ပါရမီအထွေထွေရောဂါကုဆေးရုံကြီးတွင် လူနာများအတွက် သက်တောင့်သက်သာ နှင့်အဆင် ပြေချောမွေ့စေရန် အစဉ်အမြဲ ဆောင်ရွက်လျက်ရှိပါသည်။

ပါရမီအထွေထွေရောဂါဆေးရုံကြီး၏ ဈေးနှုန်းပေါ်လစီ သည် ပွင့်လင်းမြင်သာပြီး၊ လူနာတစ်ဦးချင်း ဆီကုန်ကျစရိတ်အားသေချာတွက်ဆ ပေးနေပါသည်။ သို့သော် လူနာ တစ်ဦးချင်းဆီ၏ ရောဂါကု သမှု ပုံစံမတူခြင်းကြောင့် ကွာခြားမှုရှိနိုင်ပါသည်။ ဆေးရုံမှခန့်မှန်းတွက်ဆပေးသော ဈေးနှုန်းများ သည် ပါဝင်သော ကုသမှု၊ ဆေးဝါးနှင့် စစ်ဆေးမှုပေါ်မူတည်သဖြင့် ပုံသေတွက်ဆ၍မရနိုင်ကြောင်း အသိပေးအပ်ပါသည်။ အခြားခန့်မှန်းတွက်ချက်မှုတွင် မပါဝင်နိုင်သည့် ရုတ်တရက်ဖြစ်ပေါ်လာ သော ရောဂါလက္ခဏာ ပေါ်မူတည်၍ ကုသမှု ၊ အိမ်သို့ဆေးဝါးပေးမှုများနှင့်နောက်ဆက်တွဲ ပြသာနာများ အတွက် ရှိနိုင်သည့်အတွက် လူနာအနေဖြင့်ထပ်မံကုန်ကျနိုင်ကြောင်းသိရှိထားရန်လိုအပ်ပါသည်။

မိမိ၏စရိတ်ဖြင့် ပေးသော လူနာများအနေဖြင့် ကုသမှု (သို့) ခွဲစိတ်မှုမခံယူမှီ ဈေးနှုန်းကြီးနိုင် မှုအား လူနာနှင့် အရင်ဆုံး ဆွေးနွေးအကြောင်းကြားပါသည်။ ခွဲစိတ်မှု၊ CT နှင့် MRI ဆောင်ရွက်မှုများမ ပြုလုပ်ခင် Deposit အပြည့်ပေးသွင်းရန် လိုအပ်ပါသည်။ ပေး အပ်ထားသော Deposit မှာ ခွဲစိတ် မှုကုန်ကျစရိတ်ထက် ပိုနေပါ က ပြန်လည် အမ်းပေးပါသည်။ အကယ်၍ အကြောင်းမျိုးစုံကြောင့် ခွဲစိတ်မှု မပြုလုပ်တော့ခြင်းဖြစ်ပါက ပေးအပ်ထားသော Deposit အားပြန်လည်အမ်းပေးပါသည်။

ပြန်လည်အမ်းငွေအား ပေးရာတွင် ယခင် ပေးချေခဲ့စဉ် ငွေသား (သို့) ဘဏ်မှ လွှဲခဲ့သည်ဖြစ်ပါက ထိုနည်းလမ်းအတိုင်းပြန်လည်ဆောင်ရွက်ပါမည်။ ဘဏ်မှ ငွေပေးချေမှုဖြစ်ပါက မြန်မာနိုင်ငံပုဂ္ဂလိ က ဘဏ်များဥပဒေအတိုင်း ဆောင်ရွက်မည်ဖြစ်သဖြင့် ဘဏ်၏ဝန်ဆောင်ခများပါ ပါဝင်မည်ဖြစ် ကြောင်း သိရှိနားလည်ရပါမည်။

အောက်ပါငွေပေးချေမှု စနစ်အတိုင်းဆောင်ရွက်မည်ဖြစ်ပါသည်။

(က)။ ငွေပေးချေနိုင်သည့်နည်းလမ်း

ဆေးရုံအနေဖြင့် ငွေသား ၊ အကြွေးဝယ်ကဒ်များဖြစ်သည့် Credit Card, Debit Card ၊ Kpay, CBpay, Wavemoney နှင့် ဘဏ်မှ ငွေလွှဲခြင်းများလည်းလက်ခံပါသည်။ Cheque စာရွက်ဖြင့် ငွေလက်ခံခြင်းမပြုပါ။

(ခ)။ သတိပြုရန်

1. ငွေပေးချေရာတွင် ဆေးရုံ၏ ငွေရှင်းကောင်တာ တွင်သာ လာရောက်ပေးချေရပါမည်။ ဆေးရုံ၏ အခြားမည်သည့်ဝန်ထမ်းများမှ လူနာ၏ကိုယ်စားငွေပေးချေရန် ပြဌာန်းထားခြင်းမရှိပါ။ ထိုမှဖြစ် ပေါ်လာသော ပြသနာ တစ်စုံတစ်ရာ အား ဆေးရုံမှ တာဝန်ယူဖြေရှင်းပေးမည်မဟုတ်ပါ။
2. ရံဖန်ရံခါ ဘဏ်များမှ ငွေလွှဲခြင်းဖြင့် ငွေပေးချေမှုဖြစ်လာပါက ရက်အနည်းငယ်စောင့်ရခြင်းများ ရှိနိုင်သဖြင့် မိမိအနေဖြင့် ဘဏ်အားကြိုတင်စုံစမ်းထားရန်လိုအပ်ပါမည်။
3. ဘဏ်မှငွေလွှဲခြင်းကြောင့် ပေါ်ပေါက်လာမည့် ဘဏ်၏ဝန်ဆောင်မှုကုန်ကျစရိတ် နှင့် ငွေလှဲလှယ်မှု အားလူနာဘက်မှကျခံရမည်ဖြစ်ပါသည်။
4. ငွေလွှဲခြင်းမှာ မိမိ၏ဆေးကုသစရိတ်အတွက်သာ ဖြစ်ပြီး၊ အခြားမိမိ၏ ပုဂ္ဂိုလ်ရေးရာအတွက် အပိုဆောင်းလွှဲခြင်းများ လက်မခံပါ။
5. ဆေးရုံတွင် အတွင်းလူနာအဖြစ်တက်ရောက်စဉ် မိမိ၏ ကုန်ကျစရိတ်အား နေ့စဉ်အသိပေးမည် ဖြစ်ပြီး၊ လိုအပ်လာပါက Deposit ထပ်မံသွင်းရလေ့ရှိနိုင်ပါသည်။
6. လူနာမှ မည်သည့်ဆေး၊ ပစ္စည်းအမျိုးအစားများသုံးသည်အား သိရှိရန် တောင်းဆိုပါက ရှင်းပြ ပေးပါမည်။
7. လူနာ၏ရောဂါအခြေအနေနှင့် အထူးကုဆရာဝန်များ၏ကုသမှုပုံစံပေါ်မူတည်၍ ကုန်ကျစရိတ်ပို လာနိုင်ပါသည်။ မိမိတွင် ကျန်းမာရေးအာမခံ မရှိပါက မိမိ၏တာဝန်သာဖြစ်ပါသည်။
8. လူနာဆေးရုံမှဆင်းသည့်နေ့တွင် ကုန်ကျစရိတ်များ အပြီးပေးချေရပါမည်။

(ဂ)။ ပြန်အမ်းငွေဆိုင်ရာ ပေါ်လစီ

1. မိမိ၏ ဆေးကုသစရိတ်မှာ မိမိတင်ထားခဲ့သော Deposit ထက်နည်းပါက ငွေရှင်းကောင်တာသို့ ဆက်သွယ်ပြီး ပိုငွေအား မိမိ၏ကုသမှုအားလုံးပြီးစီးမှ ပြန်လည်ထုတ်ယူနိုင်ပါသည်။
2. ခွဲစိတ်ကုသမှု / Procedure များ မပြုလုပ်ဖြစ်ပါက မိမိ၏တင်ထားခဲ့သော Deposit အားပြန် လည်ထုတ်ယူနိုင်ပါသည်။
3. ကျန်းမာရေးအာမခံမရှိ၍ မိမိမှ Deposit တင်ထားခဲ့သော်လည်း၊ ဆေးရုံဆင်းသွားပြီးချိန်တွင် မိမိကိုယ် စား ကျန်းမာရေးအာမခံရရှိသွား၍ ကုန်ကျစရိတ်ကျခံခဲ့ပါက ရက်ပေါင်း (၃၀)အတွင်း ပြန်လည်ထုတ်ယူနိုင်ပါသည်။ သို့သော် ပြန်လည်ထုတ်ယူသော ပမာဏ မှာ မိမိအား အာမခံထား သော ပမာဏအတိုင်းတာ ထုတ်ယူခွင့်ရှိပါသည်။
4. ကျန်းမာရေးအာမခံကုမ္ဗဏီမှ အာမခံစာရွက် Letter of Guarantee အားလူနာမှဆေးရုံဆင်း သွားပြီးချိန်မှ ရရှိခဲ့ပါက၊ မိမိ ပေးချေခဲ့သော ငွေပမာဏ အား ထုတ်ယူနိုင်ရန် ဆေးရုံမှ ဆက်သွယ်ပေးပါမည်။ လူနာအနေဖြင့် ငွေရှင်းကောင်တာသို့ဆက်သွယ်၍ ထုတ်ယူနိုင်ပါသည်။ ထုတ်ယူသောပမာဏမှာ အာမခံစာရွက်ပါ အတိုင်း ပမာဏ သာဖြစ်ပါမည်။
5. မိမိပေးချေခဲ့စဉ်က အသုံးပြုခဲ့သော ငွေသား၊ ၊ အကြွေးဝယ်ကဒ်များဖြစ်သည့် Credit Card, Debit Card ၊ Kpay, CBpay, Wavemoney နှင့် ဘဏ်မှ ငွေလွှဲခြင်းများအားလုံးကို သတ်မှတ်ချက်ဖြင့် ငွေသား (သို့) ဘဏ်မှ ဖြင့် ပြန်လည်ထုတ်ယူနိုင်ပါသည်။
6. မိမိ၏ မူရင်းဘောက်ချာ အား တစ်ပါတည်း ယူဆောင်လာခဲ့ရပါမည်။
7. ပြန်အမ်းငွေအား လူနာရှင်သို့တိုက်ရိုက် ပေးဆောင်ပါသည်။ သို့သော် လူနာရှင်၏ ကိုယ်စား လှယ် အနေဖြင့် ဆွေမျိုး၊ မိတ်ဆွေ နှင့် သူုငယ်ချင်းမှ လာရောက်ထုတ်ယူပါက အထောက်အထား အနေဖြင့် ကိုယ်စားလှယ်လွှဲစာ၊ လူနာ၏မှတ်ပုံတင်မိတ္တူ နှင့် ကိုယ်စားလှယ်၏ မှတ်ပုံတင်မိတ္တူ ပါဝင်မှ သာ ပြန်လည်ထုတ်ယူခွင့်ပြုပါသည်။

( ဃ)။ ပြန်အမ်းငွေ မရရှိနိုင်သော ပေါ်လစီ

1. ဆေးဝါးကုသမှု များ နှင့် ခွဲစိတ်မှု များမပြုလုပ်မှီ အသုံးပြုခဲ့သော ဆေးဝါးများအတွက် ပြန် အမ်းငွေပေးခြင်းမသက်ဆိုင်ပါ။ အချို့ဆေးများမှာ နိုင်ငံခြားမှ မှာယူပြီးသော ဆေးများ (ဥပမာ – ကင်ဆာဆေးများ) အတွက် ပြန်လည်အမ်း၍ မရရှိနိုင်ပါ။ ထိုကြောင့် အသုံးမပြုခင် လူနာအား ဦးစွာရှင်းပြမည်ဖြစ်ပါသည်။
2. ဆေးရုံတွင်ကုသမှုခံယူနေစဉ် လူနာမှ ဆက်လက်ကုသလိုစိတ်မရှိတော့ပဲ ရပ်လိုက်ပါက၊ ကုန် ကျခဲ့သော ဆေးကုသမှုစရိတ်များအားလုံး လူနာမှ ကျခံရမည်ဖြစ်ပါသည်။
3. ဆေးဝါးနှင့် ဆေးပစ္စည်းများအား ပြန်လည်အမ်း၍မရရှိနိုင်ပါ။
4. Online မှဝယ်ယူထားသော မည်သည့်ဆေးဝါး နှင့် ဆေးပစ္စည်းများ အား ပြန်လည်အမ်း၍ မရရှိ နိုင်ပါ။